Vorhátíð

Vorhátíð Akurskóla fór fram í gær. Hver bekkur hafði sitt litaþema og gaman var að sjá hversu vel allir tóku þátt í því. Nemendur leystu ýmsar þrautir sem voru staðsettar víðsvegar á skólalóðinni. Þrautir sem voru í boði voru snaggolf, að negla spýtu, sipp, stígvélakast, pokahlaup og margt fleira. Dagurinn endaði í íþróttahúsinu eftir hádegismat þar sem starfsmenn kepptu sín á milli fyrir hönd bekkjanna í lokakeppni. Keppni var á milli bekkja á hverju stigi fyrir sig en það lið sem fékk flest stig vann.