Akurskjól - frístundaskóli

Frístundaskóli Akurskóla- Akurskjól

Umsjónarmaður Akurskjóls 2017-2018 er Hólmfríður Valdís Sævarsdóttir. Netfang: akurskjol@akurskoli.is.

Starfsmenn Akurskjóls eru 5 í Akurskóla og 3 á Dalsbraut. Frístundaskólinn er lokaður á eftirtöldum dögum: starfsdögum, á skólasetningu, skólaslitum og þegar árshátíð og jólahátíð er í skólanum.

Frístundaskólinn er lokað á starfsdögum en þá eru starfsmenn Akurskjóls að vinna að skipulagi og undirbúningi.

Símanúmer við Tjarnabraut eru 420 4571 eða 864 6782.

Símanúmer við Dalsbraut eru 616 9992

Ritari Akurskóla: 420 4550

Akurskjól er á facebook!

Frístundaskólinn Akurskjól býður upp á fjölbreytta afþreyingu þegar hefðbundnum skóladegi 6 - 9 ára barna lýkur. Markmið með starfinu er að hver einstaklingur fái að njóta sín og þroskast í umhverfi sem einkennist af hlýju, öryggi og virðingu. Lögð er áhersla á að þroska félagslega færni í samskiptum gegnum leik og starf svo og virðingu fyrir sjálfum sér, öðrum og umhverfinu. Í Akurskjóli er leitast við að beita lýðræðislegum starfsháttum, efla hæfni barnanna til að móta sjálfstæðar skoðanir og hafa áhrif á umhverfi sitt og aðstæður.

Í Akurskjóli er fjölbreytt skipulögð dagskrá sem einkennist jafnt af skipulögðum sem og frjálsum leik. Leitast er við að bjóða upp á spennandi viðfangsefni sem veita börnunum útrás fyrir leik- og sköpunarþörf þeirra. Frístundaskólinn er með aðsetur í Tjarnarkoti en hefur annað húsnæði skólans til afnota eins og þörf er. Frístundaskólinn í Dalshverfi hefur aðsetur í aðalsal skólans og nýtir einnig önnur rými eftir þörfum. Síðdegishressing kemur frá Skólamat og borða nemendur í matsal skólans.

Opnað er fyrir umsóknir um frístundaskóla fyrir næsta skólaár í apríl á hverju ári. Sótt er um fyrir hvert skólaár í senn. Börn sem hefja skólagöngu að hausti hafa forgang  um pláss í frístund, ef sótt hefur verið um fyrir 1. maí. Hægt er að sækja um rafrænt inn á Mitt Reykjanes, fylla út umsókn hjá umsjónarmanni frístundar eða á skrifstofu skólans.

Vistun barns, eftir skráningu, hefst eftir aðstæðum í frístundaskólanum á hverjum tíma. Foreldrar geta miðað við að það taki um 2 vikur að fá pláss.

Ef foreldrar vilja segja upp plássinu þá er mikilvægt að gera það fyrir 15. hvers mánaðar og tekur uppsögnin þá gildi um næstu mánaðamót. Uppsagnareyðublöð er að finna hjá umsjónarmanni frístundar. Jafnframt er mikilvægt að tilkynna allar breytingar á dvalartíma barns, beint á netfang umsjónarmanns frístundar.

Nauðsynlegt er að tilkynna veikindi og leyfi til umsjónarmanns eða skólaritara þá daga sem nemendur koma ekki í frístundaskólann. Skólareglur Akurskóla gilda einnig í frístundaskólanum.

Mikilvægt er að börn séu sótt stundvíslega kl. 16:00.

Gjaldkeri bæjarskrifstofu Reykjanesbæjar sér um innheimtu gjalda fyrir frístundaskólann. Fast mánaðargjald er kr. 16.000 á mánuði, innifalið í því gjaldi er síðdegishressing. Tímagjald er kr. 355 ef foreldrar óska ekki eftir fullri vistun en þá er einungis verið að greiða fyrir frístundavistunina. Síðdegishressing kostar þá kr. 120 fyrir hvern dag.

Starfsáætlun frístundaskólans Akurskjóls skólaárið 2017-2018

Mánudagur:
Útivera

Val
Listasmiðja

Hreyfing og leikir

Þriðjudagur:
Útivera

Nemendafundur.
Vettvangsferð innan- eða utanhúss (fer eftir veðri)

Frjáls smiðja (mismunandi viku fyrir viku)

Miðvikudagur:
Útivera

Val
Tölvuver

Vísindasmiðja

Fimmtudagur:
Útivera

Val
Bíó – sameiginlegt

Föstudagur:
Útivera

Val
Skapandi smiðja

Slökun

Val er í boði alla daga og er mismunandi hvað er í boði eftir dögum:

Kaplakubbar, stórir kubbar, playmo, Barbie, lego, pet-shop, bílar, risaeðlur, dúkkuleikur, spil, púsl, slökun, lestur, perla, lita, teikna, mála.

Listasmiðja: Þar er m.a. föndrað, málað, litað og leyft sköpunargáfunni og hugmyndafluginu að njóta sín.

Frjáls-smiðja: Þar er leitast við að leyfa hæfileikum starfsfólks að njóta sín þar sem skipst verður á hugmyndum og hver fær að útfæra sína smiðju í samráði við umsjónamann og samstarfi við annað starfsfólk.

Vísindasmiðja: Þar gerum við ýmsar tilraunir, búum til efnivið sem við getum leikið okkur með eins og t.d. leir o.fl. Nemendur rannsaka hin ýmsu viðfangsefni og um leið þjálfast í samvinnu.

Skapandi smiðja: Þar kynnumst við leiklist og tónlist, vinnum að skapandi verkefnum og eflum samvinnu, hugrekki og þor í að koma fram, sýna okkur, sjá aðra og þora að koma hugmyndum okkar á framfæri  ,, sjálfsstyrking í dulargervi.“

Vettvangsferðir: Ýmsir staðir í nærumhverfi sem og innanhúss. Sem dæmi Narfakotsseyla, leikvellir og tilbúin leiktæki á svæðinu, Víkingaheimar, 88-húsið, Skessuhellir, andapollurinn hjá Fitjum, fjaran í Innri-Njarðvík og ýmislegt fleira. Ef veðrið er ekki gott nýtum við skólarýmið til að brjóta upp daginn t.d. með því að fara í heimilisfræðistofuna, bókasafnið, íþróttasalinn, stóra salinn eða önnur rými og gerum okkur glaðan dag.

Slökun/róleg stöð: Það er markmið okkar að róleg stund sé í boði í upphafi dags á hverjum degi þar sem börnin læra að bera virðingu fyrir hverju öðru og sjálfum sér, gefa sér og öðrum leyfi til að slaka á í lok dags. Á föstudögum verður svo gert meira úr slökuninni og leitast við að skapa rólega stemmingu og gott andrúmsloft eftir bestu getu í lok skólaviku.

Hátíðum og viðburðum er fagnað í frístund m.a. Hrekkjavöku, jólum og páskum svo eitthvað sé nefnt. Þá gerum við okkur glaðan dag og brjótum upp daglegt starf.

Fundir eru haldnir reglulega með nemendum þar sem þeir koma með hugmyndir að viðfangsefnum.

Starfsmenn funda vikulega og sjá í sameiningu um uppbyggingu starfsins og leitast við að hlusta eftir óskum og áhugamálum barnanna.