5. bekkur les fyrir leikskólakrakka

Í dag fóru nemendur í 5. bekk á leikskólann Holt og lásu fyrir elstu börnin þar. Þeir lásu upp úr bókinni Iðnir krakkar eftir Sigrúnu Eldjárn. Nemendur fór heim með bókina og æfðu sig áður en þeir lásu fyrir börnin. Þetta er liður í æfingu fyrir Litlu upplestrarkeppnina sem haldin er ár hvert í 4. og 5. bekk. Þetta heppnaðist mjög vel og stóðu þau sig með mikilli prýði. Leikskólanemendurnir á Holti höfðu einnig gaman af.