Aðventan

Nú er desember genginn í garð með öllum sínum hefðum og venjum. Margt skemmtilegt er á dagskrá í skólanum þessa dagana. Við fáum rithöfunda í heimsókn, borðum jólamat og föndrum. Eitt af því sem við bjóðum nemendum okkar upp á er heimsókn í kirkjuna 11. desember. Þessar ferðir okkar eru mjög hátíðlegar og nemendur fá að hlýða á sögu sem tengist jólunum og svo syngjum við saman tvö til þrjú jólalög. Starfshættir grunnskóla skulu samkvæmt Aðalnámskrá m.a. mótast af umburðarlyndi og kærleika og kristinni arfleið íslenskrar menningar. Í fjölmenningarlegu samfélagi nútímans má búast við því að foreldrar vilji ekki að börn þeirra fari í kirkju. Það er mjög skiljanlegt og viljum við biðja þá foreldra að senda okkur línu ef svo er á akurskoli@akurskoli.is.