Bókagjöf til heiðurs minningu Maríu Kjeld

María Kjeld fæddist 2. mars 1932 í Tjarnarkoti í Innri Njarðvík, en hún lést 8. október sl.  María helgaði líf sitt uppeldis- og kennslumálum, fyrst sem fóstra og síðar sem sérkennari, einkum fyrir heyrnarlausa og fatlaða. Hún fór til náms í heyrnarfræði og heyrnarmælingum í Hörecentralen í Danmörku 1960. Síðar fór hún til Noregs og lauk prófi 1968 frá Statens special-lærerskole í Osló. Hún starfaði víða, en lengst af var hún skólastjóri Fullorðinsfræðslu fatlaðra, 1983-2002. María tengdist Norðurlöndunum og Færeyjum sértaklega sterkum böndum. Hún ólst upp hjá ömmu sinni og afa í Færeyjum, en fluttist á unglingsárum aftur til Innri Njarðvíkur.