Breyttar útivistarreglur

Frá og með 1. september ár hvert breytast útivistarreglurnar þannig að 12 ára börn og yngri mega vera úti til kl. 20 og 13-16 ára börn mega vera úti til kl. 22.  Útivistarreglurnar eru samkvæmt barnaverndarlögum. Börn mega ekki vera á almannafæri utan ofangreinds tíma nema í fylgd með fullorðnum. Bregða má út af reglunum þegar börn 13-16 ára eru á heimleið frá viðurkenndri skóla-, íþrótta- eða æskulýðssamkomu. Aldur miðast við fæðingarár.