Draugahús á Hrekkjavöku

Nemendur í 5. bekk lögðust í heljarinnar verkefni í aðdraganda Hrekkjavökunnar. Þau breyttu kennslurýminu sínu í hræðilegt draugahús og buðu svo yngsta- og miðstigi í heimsókn. Nemendur og starfsfólk hjálpuðust að við að setja draugahúsið upp og svo mættu allir í sínum hræðilegustu búningum og hræddu líftóruna úr þeim sem þorðu að labba í gegn. Svo að sjálfsögðu lögðust allir á eitt við að ganga frá stofunni að draugahúsinu loknu. Þarna sýndi 5. bekkur svo sannarlega frumkvæði að frábærri skemmtun fyrir skólafélaga sína og hvað þau eru frábær í að vinna saman og hjálpast að. Myndir úr draugahúsinu má sjá í myndasafni en varúð, þær eru ekki fyrir viðkvæma!