Ég og þú, þú og ég, við tvö saman.

Það ríkti mikil gleði þegar foreldrar og nemendur í 1. – 3. bekk komu saman í  nóvember sl.  til að taka þátt í verkefninu „Ég og þú, þú og ég, við tvö saman.  Þetta verkefni hefur verið árlegur viðburður á vegum Foreldrafélags Akurskóla undanfarin ár og tekist mjög vel. Í ár buðu foreldrar upp á sex smiðjur þ.e.a.s. leiki, minigolf, lærdóm um fugla, krukkumálun og bakstur. 

Þetta verkefni er alfarið á vegum foreldra til að auka fjölbreytnina í samstarfi heimilis og skóla. Allir sem að því koma, bæði skipuleggjendur og smiðjustjórar vinna þarna í sjálfboðavinnu.  Við viljum þakka þeim foreldrum sem hjálpuðu til við að gera verkefnið spennandi og ánægjulegt.  Einnig fær Habbý á skrifstofunni kærar þakkir fyrir hjálpina.  Eftir áramót verða smiðjur fyrir 4. – 7. bekk og auglýsum við hér með eftir foreldrum sem hafa áhuga á að vera með smiðjur og taka þátt.  Munum að margar hendur vinna létt verk J

Stjórn FFA