Fjármálafræðsla hjá 10. bekk

Fimmtudaginn 7.maí  fengu nemendur í 10. bekk  heimsókn frá Samtökum fjármálafyrirtækja (SFF) sem unnið hafa að gerð kennsluefnis fyrir fjármálafræðslu unglinga. Námsefnið hefur verið nefnt Fjármálavit en það var unnið í samstarfi við kennara og kennaranema. Fjármálavit er fjármálafræðsla fyrir nemendur á efsta stigi grunnskóla um land allt. Páll Óskar Hjálmtýsson er verndari verkefnisins og segir hann mikilvægt að ungir krakkar fái leiðsögn enda sé enginn fæddur fjármálasnillingur.

Fjármálavit var kynnt í Evrópskri peningaviku 9. - 15. mars síðastliðinn þar sem starfsmenn úr fjármálafyrirtækjum heimsóttu nokkra 10. bekki grunnskóla á landinu og fræddu nemendur um grunnþætti fjármála. Starfsmennirnir komu í skólana sem gestaleiðbeinendur í nafni Samtaka fjármálafyrirtækja (SFF).

Nemendur unnu að skemmtilegum verkefnum í litlum hópum, fengu flotta fyrirlestra og horfðu á stutt myndbönd.  Við þökkum Kristínu og Maríu frá Samtöku fjármálafyrirtækja fyrir heimsóknina