Forvarnardagurinn í Akurskóla

Forvarnardagurinn var haldinn í fimmta sinn miðvikudaginn 3. nóvember að frumkvæði hr. Ólafs Ragnars Grímssonar forseta Íslands. Unglingadeildin í Akurskóla tók virkan þátt í því verkefni og hlustaði á ávarp forsetans af myndbandi en síðan horfðu þau á myndband um unglinga og íþrótta- og æskulýðsstörf. Á myndbandinu var rætt við nokkra þekkta einstaklinga sem hvöttu nemendur til að lifa heilbrigðu lífi og hafna neyslu áfengis og annarra vímuefna.

Nemendum var skipt í hópa til að svara spurningum úr þremur flokkum.

Umræðuefni unglinganna var: Hvert ár skiptir máli, Samvera og Íþrótta- og æskulýðsstarf.

Spurningarnar voru:

1.       Hvað græðir þú á því að drekka ekki áfengi á unglingsárunum?

2.       Hvaða stuðningur telur þú að sé bestur til að byrja ekki að drekka á unglingsárunum?

3.       Hvaðan kemur þrýstingur á unglinga til að hefja áfengisneylsu að þínu mati?

4.       Hverjar telur þú helstu ástæður þess að krakkar taki þátt í skipulögðu íþrótta- og æskulýðsstarfi?

5.       Hvernig íþrótta- og æskulýðsstarf mynduð þið vilja sjá þar sem fjölskyldan gæti tekið þátt saman?

6.       Er eitthvað sérstakt sem hefur vakið athygli þína í tengslum við íþrótta- og æskulýðsstarf undanfarið? Hvað þá?