Freyjur afhentu Akurskóla snjallskjá

Miðvikudaginn 13. maí afhentu Freyjur, Lionsklúbbur kvenna í Reykjanesbæ, Akurskóla formlega nýjan snjallskjá sem mun nýtast í kennslu og starfi skólans.

Við í Akurskóla viljum færa Freyjum okkar bestu þakkir fyrir þennan mikilvæga stuðning. Freyjur hafa um árabil styrkt fjölmörg verkefni í samfélaginu fyrir háar fjárhæðir og fjármagna starf sitt að stórum hluta með sölu á vinsælum nammikrönsum sem þær hnýta og selja fyrir jólin.

Stuðningur sem þessi skiptir skólastarf miklu máli og er mikils metinn af nemendum og starfsfólki Akurskóla.