Haukur Karel Hauksson hlaut Rannís viðurkenningu

Í tilefni af Vísindaviku 2010 efndi Rannís til teiknisamkeppni þar
sem þátttakendur áttu að senda inn myndir út frá viðfangsefninu "Ef
ég væri vísindamaður". Keppt var í tveimur aldursflokkum 6-9 ára og
10-12 ára. Fjöldi mynda barst í keppnina en 5 hlutu viðurkenningu í
hverjum aldursflokki. Einn þeirra sem hlaut verðlaun í eldri flokknum
var okkar maður Haukur Karel Hauksson í Kríum og tók hann við
viðurkenningunni í Listasafni Reykjavíkur þann 24. september sl.
Katrín Júlíusdóttir iðnaðarráðherra afhenti verðlaunin sem voru
viðukenningarskjal og bókaverðlaun. Við óskum Hauki til
hamingju með þetta.