Heimsókn frá Finnlandi og Svíþjóð

Dagana 9- 13 október heimsóttu tólf nemendur frá Öwermark skólanum í Finnlandi og sextán nemendur frá Celsius skólanum í Svíþjóð pennavini sína í Kríum, Kjóum og Krummum. Krakkarnir hafa skrifast á í tvö ár eða frá því að þau voru í 4. og 5. bekk. Það er óhætt að segja að mikil eftirvænting hafi ríkt fyrir komu pennavinanna en í vor urðum við að fresta heimsókn þeirra vegna gossins í Eyjafjallajökli. Heimsóknin tókst í alla staði mjög vel og meira segja fengum við sumarblíðu dagana sem pennavinirnir dvöldu hjá okkur.