HIV fræðsla

Í dag kom Einar Þór Jónsson framkvæmdarstjóri  HIV Ísland samtakanna og fræddi unglingana okkar í 9. og 10.bekk um alnæmi eða HIV á Íslandi. Einar byrjaði með stutta kynningu á félaginu HIV Ísland og sagði nemendum frá starfssemi þess. Síðan fræddi hann krakkana um HIV og alnæmi, hver munurinn er þar á og smitleiðir. Einar talaði mikið um forvarnir og um nauðsyn þess að sýna ábyrgð í eigin athöfnum og ekki síður virðingu gagnvart sjálfri/sjálfum sér og öðrum.

Nemendur tóku vel á móti þessum fyrirlestri, spurðu margra spurninga og góðar umræður mynduðust. Við þökkum Einar kærlega fyrir góða heimsókn.