Hvatningarverðlaun

Í dag, miðvikudaginn 12. júní, voru hvatningarverðlaun fræðsluráðs Reykjanesbæjar afhent við hátíðlega athöfn í Duus-húsum.

Að þessu sinni fengu tveir aðilar tengdir Akurskóla tilnefninu. Það var Ragna Finnsdóttir kennari og Akurskjól, frístundaskóli Akurskóla.Við óskum þessum aðilum innilega til hamingju með þennan heiður.

Um Rögnu segir:
Ragna er framúrskarandi, traust, metnaðarfull og fagleg í öllu starfi sínu. Hún er einnig mjög góð í samskiptum við nemendur sína, kemur fram við þá af virðingu og hvetur þá til dáða með góðum árangri auk þess sem hún á mjög góð samskipti við foreldra. 

Um Akurskjól segir:
Í Akurskjóli er unnið skipulagt, metnaðarfullt og fjölbreytt starf þar sem hver og einn nemandi fær að blómstra á sínum eigin forsendum við leik og störf.

Ragna og Birna við afhendinguna í Duus-húsum.