Körfuboltamót

Í dag þriðjudaginn 6.des fór fram körfuknattleiksmót milli bekkja í unglingadeild. Margar fallegar körfur og tilþrif litu dagsins ljós á vellinum og skemmtu nemendur sér konunglega. En eins og í flestum mótum þá verður einhver að vinna og í þetta skiptið voru það Þrestir (8.-9.bekkur) sem sigruðu nokkuð örugglega. Valnefnd valdi leikara mótsins og tilþrif mótins.
Leikari mótsins var Adam Sigurðsson sem reyndi að fiska ruðning en lék það svo illa að hann á skilið viðurkenningu.

Tilþrif mótsins fékk svo hann Erik Snær Elefsen fyrir magnaða þriggja stiga körfu alveg út í horni með mann í sér.

Sigurvegarar mótsins Þrestir fengu svo að sjálfsöðu líka viðurkenningu.