Krissi lögga kíkti í heimsókn í 1. bekk

Krissi lögga kom í heimsókn í dag og fræddi hann nemendur um hvað þarf að varast á leiðinni í skólann, hvernig maður gengur yfir götu, nota umferðarljós ef þau séu til staðar og hvernig nota á endurskinsmerki. Einnig ræddi hann um nauðsyn þess að nota reiðhjólahjálma og mikilvægi þess að þeir séu rétt settir á og rétt stilltir. Til að undirstrika mikilvægi hjálmsins sýndi hann þeim ósoðið egg sem hann setti í þar til gerðan frauðplast hjálm og lét detta í gólfið annars vegar í hjálminum og hins vegar án hjálmsins. Nemendum brá mikið þegar eggið skall óvarið í gólfið og slettist út um allt og voru allir sammála um að nota alltaf hjálminn þegar þeir eru úti að hjóla. Einnig sýndi hann þeim handjárnin, piparúðann og kylfurnar sínar.