Leikskólaheimsókn í Akurskóla

Krakkarnir á leikskólanum Holti heimsóttu Akurskóla í vikunni. Það má með sanni segja að krakkarnir í 1. og 2. bekk hafi tekið vel á móti þeim og fengu þau að spreyta sig á ýmsum verkefnum með dyggri aðstoð kennaranna. Nú hafa öll börnin sem hefja grunnskólagöngu í haust og koma frá leikskólunum Akri og Holti heimsótt okkur.

Þann 9. maí verður tekið á móti börnum úr öðrum leikskólum bæjarins. Þeir foreldrar sem eiga börn sem hefja skólagöngu næsta haust í Akurskóla og koma úr öðrum bæjarfélögum eru vinsamlegast beðnir að hafa samband við skrifstofu skólans ef þeir vilja heimsækja okkur.