Óvænt uppákoma í Akurskjóli

Við í Akurskjóli erum búin að vera mjög dugleg að undirbúa jólin erum búin að búa til jólagjafir, föndra, baka piparkökur og margt fleira. Í gær var okkur svo boðið að koma inn í sal þar sem Lúlla og nokkrar stelpur úr 9.bekk voru búnar að undirbúa fyrir okkur smá jólaboð/jólaball þar sem dansað var í kringum jólatré. Allt í einu sáum við jólasveina, Grýlu og Leppalúða sem voru á leiðinni til okkar. Sumum brá nú meira heldur en öðrum en voru allir ofboðslega glaðir að fá svona skemmtilega heimsókn. Krakkarnir fengu að spyrja spurninga og svo var dansað í kringum jólatréð. Öll börnin fengu svo mandarínu að gjöf frá jólasveininum.

Við viljum þakka jólasveinunum, Grýlu og Leppalúða kærlega fyrir okkur.