Rýmingaræfing

Árviss rýmingaræfing fór fram í Akurskóla í morgun. Æfingin var haldin í samvinnu við Brunavarnir Suðurnesja og tókst mjög vel. Nemendur voru vel undirbúnir, því búið var að upplýsa þá um hana með góðum fyrirvara. Markmið æfingarinnar eru m.a. að:

·         þjálfa nemendur í að rýma húsnæði skólans örugglega á sem skemmstum tíma

·         viðhalda þekkingu nemenda á rýmingarleiðum

·         allir þekki neyðarhringingar

Á æfingum sem þessum eru kynntar fyrir nemendum og starfsfólki skólans helstu flóttaleiðir í skólabyggingunum, hvernig neyðarhringing hljómar og hvernig á að bera sig að ef ske kynni að eldur eða annað af svipuðu tagi kæmi upp á.