Samtalsdagur 24. september

Fimmtudaginn 24. september verður samtalsdagur í Akurskóla. Að venju mæta nemendur ásamt foreldrum sínum í viðtal hjá umsjónarkennara þar sem rætt verður um líðan, nám og framvindu náms.

Bókanir í viðtöl fara fram í Námfús, nýju námsumsjónarkerfi skólans. Námfús hefur verið innleitt í Akurskóla á þessu skólaári og hefur innleiðingin gengið vel. Kerfið auðveldar samskipti heimila og skóla og veitir foreldrum betri yfirsýn yfir nám og skólastarf barna sinna. Bókanir vegna samtalsdagsins eru opnar í Námfús og hvetjum við foreldra til að ganga frá tímapöntun þar í síðasta lagi 23. september.

Foreldrar sem hafa ekki enn fengið aðgang að Námfús eru vinsamlegast beðnir um að hafa samband við skólann með því að senda tölvupóst á akurskoli@akurskoli.is

Athygli er vakin á því að Frístundaskólinn Akurskjól verður opinn frá kl. 8:00 fyrir þau börn sem þar eru skráð.

Við hlökkum til að hitta nemendur og foreldra þeirra á samtalsdeginum og eiga uppbyggilegt samtal um skólastarfið og markmið vetrarins.