Sílaveiði hjá 4. bekk

Í síðustu viku fóru nemendur í 4. bekk í útikennslu í brjáluðu veðri, daginn fyrir samræmduprófin og við veiddum við síli til að ná okkur í lukkudýr fyrir samræmduprófin. 

Við bjuggum til heimatilbúnar sílagildrur úr gosflöskum. Við náðum því miður ekki fleirum en 3 sílum og voru þau skýrð Gulli, Dúbbi og Ronaldo. 

Þegar við komum til baka eftir veiðiferðina fengum við okkur heitt kakó í stofunni okkar á meðan fötin voru að þorna á ofnunum því við blotnuðum öll í gegn! Og í fyrradag bættust svo 16 ný síli við, sem hún Bergþóra veiddi um helgina. Þau eru öll með nöfn en við eigum eftir að fá að vita þau hjá henni.