Skólaslit 2008-2009

Akurskóla var slitið í fjórða sinn síðastliðinn þriðjudag. Við skólaslitin fóru stjórnendur yfir farinn veg og kynntu nýbreytni- og þróunarverkefni næsta vetrar en skólinn hlaut veglega styrki frá Manngildissjóði Reykjanesbæjar og Endurmenntunarsjóði grunnskóla til þróunar útináms og stærðfræðikennslu.

Bekkjarmyndir eru komnar á netið. Þeir sem vilja eiga bekkjarmynd geta vistað þær með því að smella á viðeigandi slóð og velja ,,save as” hnappinn, þannig vistast myndin í tölvunni ykkar.

Starfsmenn Akurskóla þakka nemendum og foreldrum fyrir veturinn og hlakka til að hitta nemendur aftur næsta haust við skólasetningu þann 24. ágúst. Skóladagatalið er vistað á heimasíðu skólans undir skjóðunni.