Truflun á heita vatninu miðvikudaginn 9. september

Vegna framkvæmda á vegum HS Veitna verður lokað fyrir heitt vatn í Akurskóla miðvikudaginn 9. september frá kl. 08:00 til 13:00.

Þrátt fyrir lokunina verður skólastarf að mestu með hefðbundnum hætti en eftirfarandi atriði breytast þennan dag:

Hádegismatur

Til að einfalda framkvæmd hádegisverðar á meðan lokað er fyrir heita vatnið verður boðið upp á Júmbó pastabakka með kjúklingi frá Skólamat ásamt fjölbreyttu meðlæti af meðlætisbar með ávöxtum.

Íþróttir og sund

Ekki verður hægt að bjóða upp á sturtuaðstöðu á meðan heita vatnið er tekið af. Þeir sem eiga að vera í sundi fara í íþróttahúsið og íþróttir eru úti þessa vikuna. 

Skólastarf að öðru leyti

Kennsla og annað skólastarf fer fram samkvæmt stundaskrá og er gert ráð fyrir að allt verði komið í eðlilegt horf þegar heita vatnið kemst aftur á um hádegi.