Undirskriftarlisti vegna lélegra strætóferða

Nemendaráð Akurskóla skrifaði bréf til Árna Sigfússonar og bæjarráðs Reykjanesbæjar þar sem fram kom óánægja þeirra vegna lélegra strætóferða í Reykjanesbæ. Árni mætti á sal skólans og tók við bréfinu úr hendi formanns nemendaráðsins ásamt undirskriftarlista sem allt unglingastigið hafði undirritað. Árni þakkaði unglingunum fyrir þetta flotta framtak þeirra og um leið lofaði að gera allt sem hann gæti til að bæta þessar lélegu samgöngur.