Vorferð 3. - 4. bekkur

Kópar og Kiðlingar fóru í sína árlegu vorferð föstudaginn 23. maí. Að þessu sinni lá leið okkar í Reykjanesvirkjun þar sem Víðir Sveins Jónsson tók vel á móti okkur.  Þar fræddumst við um himintunglin, stóra hvell, jarðskjálfta, hljóð úr geimnum og margt fleira.Síðan lá leiðin í Svartsengi þar sem við fengum að vita hvernig jarðsjór er notaður til upphitunar á ferskvatni og framleiðslu á rafmagni.

Við enduðum svo ferðina á því að koma við í Sólbrekkuskógi, grilla pylsur og leita að kanínum. Þrátt fyrir smá rigningarúða var þetta alveg frábær dagur og allir fóru ánægðir heim.