Vorferð 8-9 bekkur

Þann 28. maí fórum við á unglingastigi Akurskóla í vorferð í fimleikahúsið Björkina. Við vorum mætt á svæðið  um níuleytið, þar sem umgengnisreglum var lýst í stuttu máli og svo var okkur hleypt inn í salina. Það eru þrír salir, einn mjög stór, einn miðlungs og einn pínulítill. Í stóra salnum voru tveir hópar, einn í klettaklifri og annar á trampólíni, einn hópur var í miðlungsstóra salnum á loftdýnu og köðlum og síðasti hópurinn var inni í litla salnum þar sem var stór svampagryfja, sem var mjög vinsæl. Fyrst áttum við að halda okkur í hópunum og vera á okkar svæði, en eitthvað gekk það nú ekki alveg eftir þannig að það endaði á því að fólk mátti bara gera það sem það vildi. Í hléinu borðuðum við nestið, sumir fóru út í sjoppu og keyptu sér mat eða nammi þar. Eftir hlé héldum við aðeins áfram í sölunum og fórum svo um hálf eitt leytið upp í Heiðmörk og grilluðum pylsur og sumir fóru í skoðunarferð um skóginn. Enginn týndist sem betur fer, en nokkrir voru seinir í rútuna og fengu þeir að kenna á kímnigáfu kennarana, sem lögðu af stað án nemendana. Auðvitað var stoppað smá spöl frá og komust að lokum allir nemendur heilir á húfi í rútuna. Svo lögðum við af stað heim og voru margir þreyttir eftir daginn. Við vorum mætt uppí skóla um hálf þrjú, og þá fóru allir heim.