Vorhátíð

Í dag var haldin Vorhátíð hjá okkur í Akurskóla. Allir bekkir fengu sinn lit og kepptu í hinum ýmsu greinum. Það var neglt, hoppað í poka, rennt sér á sápu og kastað stígvéli. Þá var sparkað í bolta, skotið á körfu og slegið í golfbolta. Farið var í þrautabraut, sippað og þrætt perlum á band. Það var mikið fjör og stóðu nemendur sig með prýði.  Í hádeginu renndu allir niður Skólamatspylsum og að lokum kom Hreimur í Landi og sonum og skemmti öllum við mikinn fögnuð. En foreldrafélagið bauð okkur uppá þetta frábæra skemmtiatriði.  Það fóru glaðir nemendur heim syngjandi Lífið er yndislegt.